MAKALE - SEYYAH-I SİPOR EVLİYA ÇELEBİ

Bu FEVT-BOL bir frenk bâziçesi olub, yigirmi iki nefer âdemlerün onbirerden iki bölüm olub temâm birbuçuk saat “Top” dinülen bir küreyi vü birbirini tepüklemeleründen ibârettür. Bu bölüklerden her birine “DAKIm” dirler. Her iki bölüğün donları vü Vurma’ları ayru renkte olur. Bu iki bölük AT meydânı vus’atında ÜSTÂD-I YEVM tesmiye olunan bir ulu sâhada oynarlar. Sâhânın her iki ucunda dikili iki direk olub, bunlara KAL’A dirler. Bu Kal’alarun pişinde birer bekçi vardur kim, topları dutmağ ile vazifelidürler. Her iki bölük bu direkler aresinden top geçürmeğe gayret iderler. Burdan top geçürmesine “Kol” dirler. “Kal’a nöbetçilerü gâhî kuş gibi uçub, gâhi kedi gibi sıçrayub ol direkler âresinden topu geçürmemeğe gayret iderler.

ÜSTÂD-I YEVM’ün etrâfında hezârân âdemler oturub bu oyunu temaşâ iderler. Top iki direk âresinden geçtüğünde “Koool” deyû şöyle bağırurlar kim rûy-i zemîn ditrer.

Fevt-Bol’cular temâm birbuçuk saat topun peşinden seğirdüb birbirlerüne tepme, tokat, sille-i Osmâni hevâle idüb, ara-sıra dahî top’a ururlar. Âhırında kal’a direkleri âresinden kim çok top geçürmüş ise vü kangı bölük çok tepme urub âdem mecrûh eylemiş ise gâlib sayılır.
Dilâver Cebeci
10.8.89

AÇIKLAMA
Frenk: Avrupalı
Bâziçe: Oyun
Adem: İnsan
Vus’at: Genişlik
Tesmiye olunan:
İsmi verilen
Temaşâ: Seyretme
Hezâran: Binlerce
Ulu: Büyük
Gâhî: Kâh, bazan
Seğirtme: Koşma
Sille: Tokat
Mecruh: Yaralı
Rûy-i zemin:
Yeryüzü, dünya