ŞİİR.......... ÇİBÖREK VE YAPILIŞI (Tatarca)

Ataydan kalgan aşlar; etli, mayli kamuraş,
Köbetemen katlama, lakşa, cantık, tataraş,
•      •      •
Aşkanada hazırla, endi mayman, kömürnü,
Sofra bezni yay yerge, üstüne sal konanı.
Un, su, tuznu karıştır, ölçülü bas kamurnu,
Yumuşaklığı bolsun, kulak memesi dayın;
Yumrukday kes yuvarla, al endi oklavanı,
Yapışmasın dep unla, tögerek aç herbirin,
Bol soğanlı kıymanı, toltur bir yarısına,
Cap üstüne yarısın, yarımayday ettirip;
Çevre çetin bastır kes, çoyun kazan içinde,
Kaynap turgan mayına sal bir çetten akırtın...
Şır şır etip şırıldap, pişe başlar çibörek,
Bir ekilep köpdürüp kaynat, biraz üyrülsün,
Şarr! etkende en sonu; mına pişti çibörek...
•      •      •
Cıllı cıllı aşay ber, çatal, bıçak kullanma,
Birin calma, birin cut, birin kolda hazır tut,
Çibörekmen kim össe, hastalık neken bilmez,
Ülser, kanser, tansiyon, taşikardiden ölmez,
Büyük bir doktur aytkan, tansiyonlu bir kartka:
Babay başka çâre yok çibörek kerek sağa.
Miden bozulsa balam fasulyaman, kabaktan,
Zeytin mayli aşlardan, pırasa, ıspanaktan,
Saruvun küyse kadam, bamyadan, kerevizden,
Karnabahar, havuçtan, patlıcandan, büberden,
Başın avursa, yahut, kelse avur bir sancı,
Dakikasında keser çibörektir ilâcı...
Bolsa eğer sofrada, azganaçık çibörek,
Her bir dertke devâdır başka ilâç ne kerek,
Canga can kata diyler, aruv bolsa çibörek,
Rahat yuklana diyler, kursak tolsa çibörek...
•      •      •
Çibörekni aşadık, çok şükür Rabbimizge,
Savluk, külkü, neşeni, kop körme Rabbim bizge,
Sen bizlerge her vakit bunday aşav kısmet et,
Alay halkımızga da toplu yaşav kısmet et.
Bizni ayırma Rabbim, yurttan hem Çibörekten;
Kısmetimizni kesme, bir vakit mübârekten.
                     İsmail Otar (Emel Dergisi 12.09.1962)

DÜNKÜ BULMACANIN CEVABI: Daire